Манчестер Јунајтед го совлада Ливерпул со 3-2 на „Олд Трафорд“ и го елиминира од ФА купот. Во следната рунда од ова натпреварување, „црвените ѓаволи“ ќе играат против Вест Хем.
Оле Гунар Солскјер успеа да го надмудри Јирген Клоп, а англискиот првак доживеа уште еден непријатен пораз откако во Премиер – лигата загуби дома од Барнли.
Мохамед Салах беше стрелец на двата гола за Ливерпул, а Мејсон Гринвуд и Маркус Рашфорд двапати му носеа предност на Манчестер Јунајтед. На крајот, триумфот го донесе Бруно Фернандеш со одлично изведен слободен удар во 78.минута од дуелот.
