Јовиќ се врати во Ајнтрахт и за дваесет минути даде два гола (ВИДЕО)

Српскиот интернационалец Лука Јовиќ се врати на „местото на злосторот“ и повторно стрела. Тој одново го облече дресот на Ајнтрахт Франкфурт, влезе како резерва и за дваесетина минути постигна два гола носејќи победа за тимот. Ајнтрахт со 3-1 славеше против Шалке 04. 

Андре Силва донесе водство за домаќинот, Метју Хоуп израмни до полувремето, но Лука Јовиќ беше човекот на одлука. Тој во 72.минута донесе нова предност, а во 90.минута и го потврди триумфот, двапати на асистенција на Филип Костиќ.