МАКФУДБАЛ на ЕВРО во Букурешт,
Никола Ѓуровски
Украина дојде во предност против Македонија по половина час игра на Националната арена во Букурешт. Подобрата игра, офанзивниот пристап, Украинците го крунисаа со гол во 29.минута од мечот. По корнерот од десната страна што го изведе Малиновски, Караваев ја префрли топката на вториот дирек, а Андриј Јармоленко беше снаодлив и ја затресе мрежата на Столе Димитриевски.
Македонија ќе мора да се ослободи од притисокот и да заигра многу понапаѓачки во наредниот период.
