Јани Атанасов во тимот на колото во Хрватска

Поранешниот младински репрезентативец Јани Атанасов се најде во тимот на колото во првенството на Хрватска. Хајдук Сплит во последното коло успеа со триумф на домашен терен да избори пласман на европска сцена, а Атанасов одигра одличен меч и се најде меѓу 11-те најдобри на спуштањето на завесата од хрватскиот шампионат.

Првенството на Хрватска мина во македонски знак ако се знае дека Аријан Адеми и Стефан Ристовски со Динамо Загреб ја освоија титулата, а Дарко Велковски со Ријека исто така обезбеди учество на европска сцена.