Младиот напаѓач Јакуп Бериша кој оваа зима ја напушти Шкендија потпиша договор со Шкупи. Тој во наредните 18 месеци се обврза да го носи дресот на прволигашот од Чаир. Потекнува од школата на Вардар, а сега вели дека му се остварил сонот да игра за Шкупи.
„Ќе имам големо задоволство да играм за Шкупи. Тоа е клубот за кој навивав во детството, а сега ми се оствари сонот да потпишам договор и да го носам дресот на Шкупи. Се надевам дека ќе ја оправдам довербата на раководството“, изјави Јакуп Бериша за официјалниот сајт на клубот.
