Македонскиот фудбалски репрезентативец Исник Алими продолжува со одличните настапи и голови во романскиот шампионат. Тој беше стрелец на погодок за својот тим Сепси во триумфот (2-0) над Глорија Бузау во првенството на Романија.
Алими донесе водство од 1-0 за Сепси со погодокот од пенал во 18. минута. Само две минути подоцна на 2-0 зголеми неговиот соиграч Димитри Оберлин. Тоа на крајот беше и конечен резултат на дуелот.
