Тренерот на Интер, Симоне Инзаги, изрази задоволство по победата на тимот над Емполи со 4-2 во натпреварот од 36. коло на Серија А.
„Им честитав на играчите бидејќи се претставивме одлично, освен во првите 25 минути, кога бевме премногу хаотични“, изјави Инзаги.
„Емполи покажа добар фудбал, а моравме да бидеме поорганизирани кога не ја контролиравме топката. Плативме висока цена со двата гола што ги примивме. Добро е што тимот не се предаде, а пресвртот многу придонесува за нашата самодоверба“, изјави тренерот на Интер.
“Секогаш верувам во мојот тим. Ќе продолжиме да се бориме за нашите цели до крајот на сезоната. Емполи не натера да работиме многу напорно на натпреварот, а сега треба брзо да ја вратиме нашата енергија“, додаде Симоне Инзаги.
