Шпанската фудбалска ѕвезда Серхио Рамос повторно ќе игра со Лео Меси. Овојпат во Интер Мајами. Тој ќе им се придружи на Меси, Бускетс, Жорди Алба, а се очекува да дојде и Андрес Иниеста.
Според каталонскиот весник „Спорт“, двете страни се многу блиску до договор и Серхио Рамос ќе потпише едногодишен договор со Интер Мајами.
Серхио Рамос летово ја форсираше опцијата да се врати „дома“ во Севилја, клубот во кој израсна, но Андалузијците решија дека не ги сакаат неговите услуги.
Шпанскиот дефанзивец Серхио Рамос последните две сезони ги мина во дресот на ПСЖ каде како слободен играч пристигна од Реал Мадрид. Тој пристигна во летото 2021 година, истата година кога Лионел Меси пристигна во Париз и тогаш двајцата лути ривали станаа соиграчи.
Дотогаш за многумина беше незамисливо да се видат Меси и Рамос во ист дрес, а сега, две години подоцна, повторно би можеле и во уште еден клуб.
