Италијанскиот првак Интер се обидува да ја засили навалната линија со уште еден квалитетен напаѓач, откако веќе го ангажира Един Џеко како замена за Ромелу Лукаку кој се пресели во Челси. Раководството на „нероаѕурите“ преговара со Лоренцо Инсиње и со Анхел Кореа, но италијанските медиуми откриваат дека најблиску до Милано е Маркус Турам.
Интер сака да го донесе Маркус Турам, синот на славниот француски дефанзивец Лилијан Турам, од Борусија Менхенгладбах. Тој може одлично да се снајде и по крилните позиции и би бил одлична опција за тренерот Симоне Инзаги покрај Един Џеко и Лаутаро Мартинез.
