Интер ја декласира Фиорентина на домашен терен со 4-0 и го задржа максималниот ефект. Тимот на Симоне Инзаги има максимални девет бода и гол – разлика, 8-0.
Маркус Турам го отвори резултатот во 23.минута, а потоа му асистираше на Лаутаро Мартинез за 2-0 во 53.минута.
Хакан Чалханоглу од пенал постигна трет гол во 58.минута, а серијата ја затвори повторно Лаутаро Мартинез во 73.минута.
Торино ја победи Џенова со 1-0, со голот на Немања Радоњиќ во судиското продолжение од дуелот.
