Интер и Аталанта ремизираа 2-2 на „Џузепе Меаца“ во дерби натпреварот од Серија А. Лаутаро Мартинез во петтата минута со фантастичен волеј – удар го доведе Интер во водство, но одговори Руслан Малиновски со мајсторски шут од далечина за 1-1. Толои осум минути подоцна направи целосен пресврт, откако Хандановиќ ја одби топката по шутот на Малиновски.
Симоне Инзаги направи неколку замени, Интер почна да игра многу подобро, а израмнувањето дојде преку Един Џеко. Во 85.минута беше досуден пенал за Интер, а Федерико Димарко ја погоди гредата.
Четири минути подоцна Пиколи постигна гол за Аталанта, но по прегледување на ВАР – снимката не беше признат затоа што топката претходно излегла во корнер.
