Холандскиот репрезентативец Дензел Дамфрис го продолжи договорот со Интер до јуни 2028 година. Десниот бек, кој веќе три години настапува за актуелниот шампион на Италија, останува клучен дел од тимот.
Тренерот Симоне Инзаги инсистираше на неговото останување во клубот, оценувајќи го како важен играч за тактичкиот систем 3-5-2, со неговиот придонес во одбраната и нападот.
Дамфрис се смета за еден од најдоверливите фудбалери на „нероаѕурите“.
Дензел Дамфрис пристигна во Интер пред три години од ПСВ Ајндховен и со своите настапи се етаблира како незаменлив играч на позицијата десен фул-бек.
