Родриго де Пол би можел да се врати во Серија А и да го носи дресот на Интер. Тој беше желба на тимот од Милано и додека играше за Удинезе, но, сепак, се одлучи да замине во Атлетико Мадрид. „Јорганџиите“ за неговиот потпис на Удинезе му платија 35 милиони евра и Аргентинецот беше најавен како големо засилување.
Меѓутоа Де Пол не се снајде најдобро во Мадрид и би можел на крајот на сезоната да се врати во Серија А.
Интер е заинтересиран за Аргентинецот и сака да го донесе во своите редови, а ќе се обиде да го доведе на позајмица, со право на комплетен откуп на договорот.
