Италијанскиот првак Интер успеа да доведе уште едно квалитетно засилување во нападот. Нов фудбалер на „нероаѕурите“ е Хоакин Кореа, кој потпиша договор до јуни 2025 година. Тој доаѓа како позајмен играч од Лацио за претстојната сезона, со клаузула за задолжителен откуп на договорот.
Кореа беше голема желба на тренерот Симоне Инзаги кој претходно долго соработуваше со крилниот напаѓач на „Олимпико“ и добро ги знае неговите квалитети.
Интер до крајот на летниот преоден рок треба да го комплетира трансферот и на италијанскиот репрезентативец Андреа Белоти.
