Интер го претстави Един Џеко

Италијанскиот првак Интер го претстави најновото засилување. Тоа е босанскиот напаѓач Един Џеко кој дојде на „Џузепе Меаца“ по заминувањето на Ромелу Лукаку во Челси.

Џеко потпиша двегодишен договор со „нероаѕурите“, а веќе и постигна и еден гол на пријателски натпревар.

35-годишниот офанзивен фудбалер доаѓа од редовите на Рома каде настапуваше во изминатите пет сезони. Претходно беше дел и од Манчестер Сити, Волфсбург, Теплице, Усти над Лабем, а кариерата ја почна во Железничар.