Раководството на Интер достави изненадувачка понуда до Манчестер Јунајтед за можноста да го привлече капитенот на „црвените ѓаволи“, Хари Мегваер на позајмица. Миланскиот клуб бара централен дефанзивец кој евентуално ќе го замени Милан Шкриниар.
Словакот призна дека веќе потпишал преддоговор со Пари Сен Жермен, а парижаните се обидуваат да постигнат договор со Интер за да го реализираат трансферот до крајот на јануари.
Подготвени се да платат 15 милиони евра, а Интер бара 20.
„Нероаѕурите“ всушност прво се обидоа да го ангажираат соиграчот на англискиот репрезентативец во Јунајтед, Виктор Линделоф. Но, Ерик тен Хаг одби да го пушти Швеѓанецот да си замине од „Олд Трафорд“.
