Лидерот Шкупи оствари убедлива победа (5-0) над Пелистер и ја чува предноста на врвот на табелата во однос на ривалите. Дефанзивецот Ардит Иљази е задоволен од играта и победата на тимот и испрати благодарност за поддршката од трибините.
„Иако тренерот Гоце Седлоски не беше на клупата, успеавме успешно да ги извршуваме обврските. Секако дека сум задоволен од резултатот и настапот на тимот. Сепак, мораме да останеме на земја и да го продолжиме патот кон титулата. За крај сакам да им се заблагодарам на нашите навивачи „Шверцери“ кои нè бодреа од почетокот до крајот на натпреварот. Од утре почнуваме да се подготвуваме за следниот натпревар против Струга Трим Љум“, изјави Иљази.
