Шкендија ќе се сретне со Струга Трим Лум во еден од најинтересните натпревари од четвртото коло во Првата фудбалска лига. Струга е лидер на табелата, а и Шкендија е без пораз, а ова ќе биде посебен меч и за најдобриот стрелец во историјата на македонските првенства, Бесарт Ибраими.
Тој долго време беше голгетер на Шкендија, потоа замина во грчкиот Ксанти, а сега го носи дресот на Струга ТЛ.
„Ја респектираме Шкендија, ги знаеме вредностите на овој тим. За мене следи многу емотивен меч откако претходно шест години играв за клубот, нема да ми биде лесно да го гледам сега како ривал. Но, во фудбалот тоа е нормално. Ние сме професионалци и ќе се обидам да ѝ помогнам на Струга. Шкендија е фаворит, но ние сакаме да ја продолжиме добрата серија и да останеме непоразени“, изјави Ибраими.
Натпреварот меѓу Шкендија и Струга се игра в недела од 16 часот во Струмица.
