Аталанта го понижи Милан на „Сан Сиро“ совладувајќи го со 0-3, а Златан Ибрахимовиќ не можеше да издржи и да не му возврати на Дуван Запата. Го поучи дека тој има постигнато повеќе голови во кариерата отколку тој што има одиграни натпревари.
Запата го провоцирал Ибрахимовиќ за обидите да му биде досуден пенал, во моментите кога Милан веќе губеше со 0-3.
„Не може да помине натпревар, а да не добиете пенал. Сакате и 13. пенал оваа сезона?“, била провокацијата на фудбалерот на Аталанта.
Но, и Ибрахимовиќ воопшто не останал должен.
„Кој ти даде дозвола да ми се обратиш? Јас имам повеќе голови во кариерата отколку ти одиграни натпревари“, возвратил Швеѓанецот.
