Фудбалерите на Академија Пандев ги стартуваа подготовките за новата натпреварувачка сезона во Првата македонска фудбалска лига.
Во средата, фудбалерите, членовите на стручниот штаб и вработените се тестираа на Ковид-19 и откако се утврдени негативни резултати кај сите тестирани денеска тимот ги почна подготовките.
„По добиените резултати за корона, вчера се одржаа и тестовите за физичка спремност, а од денес стартутваме и со два тренинзи на терен и во теретана. Сите играчи се здрави и се на располагање на тренерот Александар Таневски“ – информираа од Академија Пандев.
„Пандевци“ ова лето ги напуштија Душан Чубраковиќ, Мите Цикарски, Стефан Костов, Ангел Гранчов, Бојан Најденов, Кристијан Стојкоски, Ѓорги Танушев i Ндуе Мујеци.
