Голманот на Тотенхем, Хуго Лорис, нема да му се приклучи на Лацио бидејќи сака да биде сигурен стартер во својот нов клуб, тврди „Л’Екип“. 36-годишниот Французин ги прекина преговорите со римскиот клуб, кој веќе се договорил со Тотенхем.
Лорис не е подготвен да се пресели во тим каде што нема да има гаранции за минутажа. Тој брани за Тотенхем од 2012 година.
Неговиот договор со лондонскиот клуб е до крајот на сезоната 2023/24. Сепак, тој се договорил со менаџерот Анге Постекоглу дека ќе си замине, па сега не тренира со првиот тим.
