Брентфорд успеа да освои бод против Ливерпул играјќи 3-3 на домашен терен. „Црвените“ двапати имаа водство, но на крајот мораат да се задоволат со бод од ова гостување.
Брентфорд поведе со голот на Пинок во 27.минута, но Жота израмни само четири минути подоцна.
Салах на стартот на вториот дел донесе пресврт, но израмни Жанелт. Сепак, само три минути подоцна Куртис Џонс повторно му донесе предност на Ливерпул. На крајот, Јоан Виса во 82.минута успеа да израмни на 3-3.
