Шпанскиот репрезентативец Хоселу нема да продолжи да игра за Реал Мадрид, според „Марка“. 34-годишниот напаѓач, кој се истакна минатата сезона со два гола против Баерн Минхен во полуфиналето на Лигата на шампионите, веќе ја разрешил својата иднина.
Се чини дека Хоселу ќе замине во Катар, каде што логично ќе добива значително поголема плата. Тој играше на позајмица во Реал Мадрид од Еспањол, а очекувањата беа „кралскиот клуб“ да го купи трајно за 1,5 милиони евра.
Меѓутоа, изгледа дека напаѓачот решил поинаку, а најверојатната дестинација е катарскиот тим Ал-Гарафа.
Привлекувањето на големата ѕвезда Килијан Мбапе и младиот бразилски талент Ендрик во нападот на Реал речиси сигурно придонесе за одлуката на искусниот играч да не остане на „Бернабеу“.
Договорот на Хоселу со Еспањол е до јуни 2025 година. Минатата сезона тој постигна 17 голови и имаше три асистенции во 49 натпревари за Реал Мадрид. Самиот напаѓач веќе јавно изјави дека нема да зборува за својата иднина додека не заврши ЕВРО 2024.
-
Ексклузивна колумна на Филип Лам: Вирц и Мусијала, новите германски идоли
Овој турнир е навистина инспиративен! Во 10-тата минута од првиот натпревар, голот на Флоријан...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal