Репрезентацијата на Данска важеше за фаворит на дуелот против Тунис, но не успеа да победи. Тоа е првиот меч кој заврши без голови на Светското првенство.
Селекторот Каспер Хјулманд не е задоволен од таквиот епилог.
„Жал ми е затоа што игравме на ваков начин. Почнавме лошо во првото полувреме и не го подигнавме темпото кога требаше. Не бевме добри со топката во нашите нозе. Игравме нервозно и премногу бавно. Сега ситуацијата ни се компликува, но дефинитивно ништо не е готово“, изјави данскиот селектор Каспер Хјулманд по ремито 0-0 против Тунис.
