Милан ја прекина лошата низа од четири натпревари без победа во Серија А и триумфираше против Фиорентина на „Сан Сиро“ со 1-0. Стрелец на победничкиот гол беше Тео Хернандез од пенал во 45.минута од мечот. Тој самиот го изнуди и го реализираше ударот од белата точка.
Во финишот од мечот, тренерот Стефано Пиоли му даде шанса на младиот напаѓач Франческо Камарда да стане најмладиот фудбалер кој заиграл во Серија А. Тој одигра петнаесетина минути на возраст од 15 години и 260 дена.
