Хари Кејн би можел да одбие да ги започне подготовките со Тотенхем, доколку не постигне џентлеменски договор со претседателот Даниел Леви за заминување од клубот ова лето.
Кејн смета дека Даниел Леви треба да ја прифати понудата од 100 милиони фунти и да му дозволи да замине во Манчестер Сити. Доколку тоа не се случи, Кејн би можел да го искористи рецептот на Герет Бејл. Летото 2013 година, Велшанецот на некој начин го принуди Леви да ја прифати понудата на Реал Мадрид.
Нуно Еспирито Санто, новиот менаџер на Тотенхем, јасно стави до знаење дека смета на Хари Кејн и дека чека да се врати од одмор и да започне со тренинзи.
„Хари е наш играч и тоа е поентата. Нема потреба да зборуваме за ништо друго. Сега е време да ја вратиме енергијата, да се одмориме. Кога ќе се врати, ќе разговараме. Веќе имавме убав разговор, но сега е време да се одмори и да се подготви за сè што следи. Јас сум оптимист и едвај чекам да се приклучи на групата и да работиме заедно“, изјави Нуно Еспирито Санто.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski