Хари Кејн и Манчестер Сити не е завршена приказна. Напротив, трансферот треба да се случи до крајот на летниот преоден рок.
Англиските медиуми откриваат дека Кејн веќе се договорил со „граѓаните“ и во наредните пет години на „Итихад“ ќе заработува 16 милиони фунти по сезона.
Сити и Тотенхем ги започнаа преговорите, а лондонскиот клуб порачаа дека нема да го пушти напаѓачот за помалку од 180 милиони евра.
Медиумите на Островот тврдат дека Сити во наредните денови ќе испрати нова понуда од 150 милиони евра и веруваат дека Тотенхем ќе ја прифати. Веќе е пронајдена и замена за елитниот напаѓач. Тотенхем подготви понуда од 70 милиони евра за младиот голгетер на Фиорентина, Душан Влаховиќ.
