Каталонскиот гигант Барселона е пред целосен колапс. Пандемијата на коронавирусот и очајната заработка оваа година се главните причини поради кои клубот од „Камп Ноу“ е во лоша финансиска кондиција. Мора да изнајде начин за да врати 200 милиони евра до средината на ноември, а сега пристигна и дополнителна тужба која може да му пресуди на „паднатиот џин“.
Се работи за градежната компанија ‘Muro Cortina Modular Renting’ (MCM) која уште во 2010 година ја тужела Барселона за неисплата на дел од градежните работи што биле правени на клупската зграда. Во тоа време долгувањата биле околу 3,5 милиони евра, но со наталожени камати сега Барселона треба да исплати повеќе од 30 милиони евра. Ако на тоа се додадат и оние 200 милиони евра кои мора да се надополнат за излез од финансиската дупка, тогаш јасно е дека токму оваа тужба би можела да и пресуди на Барселона.
Раководството на клубот се обиде да разговара и со фудбалерите за ново намалување на платите за 30%, но тоа заврши неуспешно.
