Досегашниот тренер на Баерн Минхен, Ханси Флик, ќе биде нов селектор на Германија по завршувањето на Европското првенство. Тој ќе го наследи Јоаким Лев кој по повеќе од една деценија заминува од кормилото на „панцирите“.
Ханси Флик денеска и официјално потпиша договор со Фудбалската федерација на Германија.
„Да си посакаме многу успеси и радосни заеднички моменти во наредниот период“, истакнаа од Фудбалската федерација на Германија.
Ова значи дека Ханси Флик ќе ја предводи Германија на мечот во Скопје против нашиот национален тим во квалификациите за Светското првенство во Катар 2022 година.
