Ерлинг Халанд се врати од повреда и беше двоен стрелец во триумфот на Борусија Дортмунд против Мајнц. Дуелот го отвори Марко Ројс со ран погодок уште во 3. минута, и со тоа се запиша во листата на стрелци за прв пат по цели два месеца. Потоа, во 54. минута, Халанд стрелаше од белата точка и го зголеми водството на 2-0. Буркарт, на само три минути до истекот на регуларниот дел од натпреварот, намали на 2-1, додека пак, за конечниот резултат од 3-1, се погрижи повторно Халанд во 94. минута.
Во останатите натпревари, Херта го изненади Ајнтрахт Франкфурт со гостинска победа од 2-1. Головите за “старата дама” ги постигнаа Ригтер и Екеленкамп, додека пак, Португалецот Пасиенција стрелаше за “орлите” на “Дојче Банк Парк”.
Унион Берлин го изненади Волфсбург со конечен резултат од 2-0, Богум беше поуспешен од Гројтер Фурт (1-0), додека пак Фрајбург и Лајпциг си ги поделија бодовите во ремито (1-1).
