Напаѓачот на Манчестер Сити, Ерлинг Халанд, е прогласен за најдобар фудбалер на Норвешка за 2024 година, објави Норвешката фудбалска федерација.
24-годишниот фудбалер ја добива оваа престижна награда петта година по ред.
„Ова признание ми значи многу, и горд сум што сум дел од оваа традиција веќе пет последователни години. Имав одлична година, со континуирани настапи и многу постигнати голови. Освојувањето на Премиер – лигата беше фантастично, а тимот оствари големи успеси“, изјави Халанд.
Во текот на минатата сезона, Халанд одигра 45 натпревари за Манчестер Сити во сите натпреварувања, постигнувајќи 38 голови и асистирајќи пет пати. Покрај тоа, во 2024 година, тој го надмина рекордот на норвешката репрезентација за најмногу постигнати голови, достигнувајќи бројка од 38 голови на 39 натпревари за националниот тим.
