Неверојатната форма на Ерлинг Халанд продолжува. Норвешкиот напаѓач повторно се запиша во листата на стрелците за Манчестер Сити во Лигата на шампионите, изедначувајќи го рекордот што претходно го држеше Кристијано Роналдо.
Со последниот гол против Вилјареал (0-2), Халанд постигна гол во 12 последовни натпревари, изедначувајќи го постигнувањето на Роналдо од 2018 година, кога Португалецот играше за Реал Мадрид.
Во меѓувреме, Килијан Мбапе не заостанува многу. Француската ѕвезда се има запишано во листата на стрелците во 11 последователни натпревари за Реал Мадрид и ќе има можност да го изедначи рекордот вечерва, кога неговиот тим ќе се сретне со Јувентус.
Од почетокот на сезоната, Халанд се наоѓа во сензационална форма, со 24 гола и три асистенции само во 14 натпревари за Манчестер Сити и националниот тим на Норвешка. Неговата постојаност и доминација пред голот го потврдуваат како еден од најдобрите стрелци во светот.
Лигата на шампионите стана негов омилен турнир. Напаѓачот на Сити веќе има 53 гола во 51 натпревар, што го прави вториот најдобар стрелец во историјата на турнирот пред да наполни 26 години, веднаш по Лионел Меси. Тој исто така стана најбрзиот фудбалер што достигнал 50 гола во историјата на Лигата на шампионите, постигнувајќи го овој резултат за 49 натпревари, додека претходниот рекорд на Руд ван Нистелрој изнесуваше 62 меча.
Дополнително, Холанд ја постигна оваа бројка на само 25 години и 59 дена, додека Мбапе тоа го направи на 25 години и 356 дена, а Кристијано Роналдо не го достигна прагот од 50 гола пред да наполни 28 години.
