Беласица триумфираше со 1-3 во пријателскиот натпревар на гостувањето против Пирин Благоевград.
Во првиот натпревар како шеф на стручниот штаб на Беласица, Ѓоко Хаџиевски стигна до триумфот против бугарскиот второлигаш на мечот кој се одигра на стадионот „Христо Ботев“ во Благоевград. Стрелци за струмичани беа Пепи Ѓоргиев, Мартин Мирчевски и Зоран Балдовалиев.
Хаџиевски, кој досега ја извршуваше функцијата спортски директор во клубот, сега и официјално е именуван за нов шеф на стручниот штаб на Беласица, во обидот тимот низ продолжението од пролетната сезона да стигне до опстанок во прволигашкото друштво.
