Менаџерот на Манчестер Сити, Пеп Гвардиола, зборуваше за својата иднина во клубот пред последниот натпревар од сезоната против Вест Хем. Со победа „граѓаните“ ќе ја освојат четвртата последовна титула во Премиер – лигата и вкупно шестата под водство на Шпанецот.
„Имам договор и сакам да бидам тука. Мојот план е да останам во Манчестер и следната сезона“, изјави Гвардиола.
Шпанецот го презеде Манчестер Сити во 2016 година, а под негово водство тимот петпати стана шампион на Англија и еднаш ја освои Лигата на шампионите.
