Менаџерот на Манчестер Сити, Пеп Гвардиола, ја коментираше интересната ситуација од крајот на натпреварот против Ливерпул (0:2), кога навивачите на тимот од Мерсисајд почнаа да пеат „Ќе бидеш отпуштен утре наутро!“, а тој им возврати со гест покажувајќи шест прста – бројот на титули во Премиер – лигата кои Манчестер Сити ги освои под негово водство.
„Не го очекував тоа од ‘Енфилд’. Можеби заслужувам да бидам отпуштен. Можеби, со оглед на резултатите, ја задржувам функцијата само затоа што станав шампион шестпати и освоив уште неколку трофеи. Ваквите скандирања се дел од фудбалот. На овој стадион сме имале многу незаборавни битки. Ривалството со Ливерпул и Јирген Клоп ќе остане засекогаш во моите спомени,“ изјави Гвардиола.
„Дури и кога ја освојувавме титулата со мала разлика, двата тима беа извонредни, но за среќа ние бевме доволно психички подготвени за да ја постигнеме целта. Ќе биде тешко да го повториме тоа оваа сезона, но сигурен сум дека секој од нас ќе го анализира она што се случува и ќе го даде најдоброто од себе во натпреварот против Нотингем Форест,“ продолжи Пеп.
„Сакам навивачите на Ливерпул да беа подобри. Зошто не го направија тоа кога резултатот беше 1-0? Зошто не го направија минатата сезона кога ја освоивме титулата? Зошто баш сега сакаат да ме отпуштат? Навистина не го очекував тоа од ‘Енфилд’. Од други клубови, како на пример Брајтон, можеби би го разбрал. Но од ‘Енфилд’? Можеби тоа е поради почитта што ја заслужуваме. Навивачите знаат дека освоивме шест титули во Премиер – лигата,“ истакна Гвардиола.
Тој го коментираше и самиот натпревар, признавајќи дека победата на Ливерпул е заслужена.
„Во првите 15-20 минути противникот беше незауздан. Започнаа многу силно. Се обидувавме да ја задржиме топката со повеќе додавања, но ни беше исклучително тешко. Ливерпул заслужи да води. Во второто полувреме игравме подобро, речиси немаше шанси пред нашиот гол. Знам колку е силен Ливерпул во двата шеснаесетници“, изјави каталонскиот стратег.
„Честитки до противникот. Ние ќе се обидеме да почнеме од нула, колку и да звучи тоа тешко за верување. Многу се потпирам на фудбалерите. Знам дека можат да се справат со оваа ситуација. Ќе видиме каде ќе бидеме на крајот од сезоната. Им благодарам затоа што видов колку се трудеа, и со топката, и без неа. Почувствував дека имаме основа на која можеме да надградуваме“, оптимист е Гвардиола.
„Де Бруин влезе одлично во игра, Грилиш се претстави добро на својата позиција. Доку исто така покажа дека влегува во форма по повредата. Бернардо Силва и Рико Луис одиграа многу натпревари во последно време. Нејтан Аке беше беспрекорен против едно од најдобрите крила. Честитки за Ливерпул, а ние ќе се обидеме да излеземе од ситуацијата во која се наоѓаме“, додаде менаџерот на „граѓаните“.
Манчестер Сити е во серија од седум натпревари без победа, а во Премиер – лигата заостанува 11 поени зад лидерот Ливерпул.
