Менаџерот на Манчестер Сити, Пеп Гвардиола, емотивно се збогуваше со долгогодишниот ривал Јирген Клоп, кој досега беше на чело на Ливерпул.
„Многу ќе ми недостига. Јирген беше многу важен дел од мојот живот. Ме вивна на друго ниво како менаџер. Мислам дека и двајцата имаме неверојатна меѓусебна почит. Имав чувство дека ќе се врати. Сакам само многу да му се заблагодарам за неговите зборови. Тој лично знае дека зад мене има многу, многу работи кои клубот ми ги обезбедува и ми ги дава. Во спротивно, не би можел сам да го направам тоа“, изјави Гвардиола.
Претходно Јирген Клоп истакна дека Гвардиола за него е најдобриот менаџер во светот.
„Што и да се случи со Манчестер Сити, Пеп Гвардиола е најдобриот менаџер во светот и тоа е она што навистина е важно. Ако ставите некој друг менаџер во овој клуб, тој немаше да освои четири титули по ред. Тоа е заслуга за него и неговите момчиња.
Дали тоа значи дека можат да прават што сакаат? Не, но не знам што направиле, ако нешто, и не сум тука да го одредам тоа. Ќе видиме што ќе се случи. Секако дека би сакал некогаш да знам дали клубот е виновен. Сите сакаат да знаат, но јас ќе бидам на друго место. Квалитетот на Пеп ја прави разликата, па не се грижам за тие работи. Ќе видиме, тоа не е мој проблем и задоволен сум од она што го имаме постигнато со Ливерпул“, истакна германскиот стратег.
