Менаџерот Пеп Гвардиола го освои четвртиот европски Суперкуп, предводејќи го Манчестер Сити до новиот пехар. „Граѓаните“ на пенали успеаја да ја победат Севилја во пресметката во Атина, откако мечот заврши 1-1.
Гвардиола вели дека има извонредни фудбалери кои успеале да го издржат притисокот иако имаа негатива во првиот дел од натпреварот.
„Едерсон нѐ спасуваше неколку пати. Минатата недела загубивме на пенали, но овојпат победивме. Не беше лесно во ваков финиш за Кол Палмер, но тој одлично се снајде. По првите минути од вториот дел ја најдовме својата игра и почнавме повеќе да ги контролираме работите на теренот. Постигнавме израмнувачки гол и во последните минути почувствувавме дека тимот што може да постигне уште еден гол. Ако Севилја дадеше втор гол претходно, можеби ќе станеше невозможно да го освоиме трофејот.
Имам извонредни играчи и одличен голман. Во минатото чувствував дека освојувањето на многу трофеи ќе доведе до губење на мотивацијата. Но, сега го немам тоа чувство. Многу сакавме да го освоиме трофејот“, изјави Гвардиола.
