Фудбалерот од средниот ред на Манчестер Сити, Илкај Гундоган, вели дека неговиот тим ќе има многу тешка задача на полуфиналната пресметка во ЛШ против Реал Мадрид.
„Реал е клуб кој знае како да игра во Лигата на шампионите и да експлодира кога е најпотребно. Тимот кој ги победи ПСЖ и Челси сигурно ќе биде тежок ривал за нас. Сепак, мислам дека ќе имаме многу подобра шанса за надигрување отколку со Атлетико Мадрид“, изјави Гундоган.
Првиот натпревар меѓу Манчестер Сити и Реал Мадрид се игра на 26 април на „Итихад“, а реваншот е на 4 мај на „Сантијаго Бернабеу“ во Мадрид.
