Напаѓачот на Атлетико Мадрид, Антоан Гризман, имаше неколку понуди ова лето, а со ослободителна клаузула од 25 милиони евра го бараа клубови од Саудиска Арабија.
Според „Л’Екип“, Пари Сен Жермен прашал под кои услови може да го доведе. Сепак, финансиските барања на Гризман биле одбиени од францускиот клуб.
Откако се ослободи од платите на Лионел Меси и на Нејмар од буџетот, ПСЖ не сакаше веднаш да додаде уште една огромна плата.
Гризман подоцна одби да замине во Саудиска Арабија, иако последната понуда беше 50 милиони евра по сезона.
