Англискиот репрезентативец Џек Грилиш одговори на критиките кои ги упати Рој Кин, но и поголемиот дел од јавноста, дека не сакал да биде еден од изведувачите на пенал во синоќешното финале против Италија на „Вембли“. Тој негира дека не бил подготвен да шутира од 11 метри и тврди дека сам се пријавил. Сепак, селекторот Саутгејт одбрал други изведувачи.
„Јас реков дека сакам да шутирам пенал!!! Селекторот донесе многу добри одлуки во текот на првенството, како и на синоќешниот меч. Но, не сакам луѓето да мислат дека не сум сакал да шутирам пенал, кога кажав дека сакам…“, објави Џек Грилиш на Твитер.
