Англискиот репрезентативец Џек Грилиш го направи најголемиот трансфер во историјата на Премиер – лигата и за 100 милиони фунти од Астон Вила се пресели во Манчестер Сити. Тој целата досегашна кариера ја мина во тимот од Бирмингем и вели дека не било лесно да се напушти Астон Вила. Но, истовремено и не можел да ја одбие понудата на Манчестер Сити за напредок и борба за трофеи.
„Тоа беше нешто што чувствував дека не можам да го одбијам. Да играм фудбал во Лигата на шампионите и да играм покрај луѓе како Кевин Де Бруин, а да не предводи најдобриот менаџер во светот. Тој може да ја подобри мојата игра до друго ниво, секој ден ги слушам неговите совети и не можам да верувам колку е се различно“, изјави Џек Грилиш.
