Македонскиот прволигаш Работнички информираше дека со меѓусебен договор ја прекина соработката со Горан Станковски кој ја извршуваше функцијата спортски директор на клубот.
„Му се заблагодаруваме на Горан Станковски за професионалниот однос и напорната работа во клубот во изминатиот период. ФК Работнички му посакува многу успех во натамошниот дел од кариерата“, изјави претседателот Драган Поповски за официјалниот сајт на клубот.
Работнички денеска официјално го именуваше Милан Илиевски за нов шеф на стручниот штаб, а прв асистент ќе му биде Баже Илијоски.
