Голманот на фудбалскиот второлигаш Кожуф, Илија Јанкулов, доби шестмесечна суспензија од Дисциплинската комисија на ФФМ поради физички напад кон противничкиот играч Матеј Андов од Осогово. Клубот Кожуф доби и парична казна за лоша организација на натпреварот. По последниот свиреж на судијата, гостинските фудбалери беа нападнати пред влезот во соблекувалните.
Суспендиран на еден месец е и Сафет Мифтари, претставникот на Дрита, поради физички напад кон фудбалерите на Гостивар. Казнет е и клубот Дрита парично.
