Ѕвездата на Арсенал, Букајо Сака, уште еднаш го покажа своето големо срце. Англискиот репрезентативец изгради цело село од контејнери за настраданите од големиот земјотрес во Мароко.
Сака купил дури 50 контејнери, кои ќе се користат за привремен дом за 255 луѓе во близина на селото Тарудант, информираат светските агенции.
Речиси 3.000 луѓе загинаа како последица на природната катастрофа во септември.
Секој од контејнерите е прилагоден за живеење и има простор за спиење, мала кујна и бања.
Ова не е првпат крилниот напаѓач на Арсенал да се вклучи во вакви добротворни иницијативи.
