Голем проблем за Шкупи: Долга пауза за Руатубјаје

Голем малер за есенскиот првак Шкупи: Заврши сезоната за еден од најдобрите фудбалери во првата полуетапа од македонскиот шампионат, стоперот Абдул Руатубјаје.

Тој на подготовките во Анталија се здоби со тешка повреда, ја скина тетивата на левата нога. Тој замина на операција во Истанбул, а интернационалецот од Руанда ќе паузира најмалку осум месеци.

По ова, Шкупи ќе мора да бара адекватна замена за Руатубјаје до крајот на зимскиот преоден рок.