Гранит Џака ќе отсуствува три месеци поради повреда на медијалниот лигамент на коленото и тоа ќе биде голем хендикеп за англискиот премиерлигаш Арсенал. Швајцарскиот репрезентативец оваа повреда ја заработи во победата над Тотенхем од 3-1.
Операција не е неопходна, но Швајцарецот долго ќе отсуствува од теренот, што е проблем за Арсенал, кој нанижа три победи во низа откако претходно имаше три порази на стартот од шампионатот.
„Не изгледа многу добро. Тој е клучен во овој тим. Никогаш не планиравме да го пуштиме, а сега долго ќе отсуствува“, изјави Микел Артета, менаџерот на Арсенал.
