Шкендија по двете стартни победи оваа пролет, налета на разиграниот Работнички кој го сопре лидерот на табелата. Реми без голови можеби и не беше според желбите на тренерот Ернест Ѓока, но тој признава дека неговиот тим не одигра најдобар натпревар.
„Очекувавме тежок натпревар против Работнички. Противничката екипа одигра добро, трчаа многу, покриваа голем дел од теренот, не дозволија да наметнеме наша игра. Првенството е долго и понекогаш е добро да освои и бод, се надевам дека многу подобри ќе бидеме на градското дерби против Ренова. Знам дека на фудбалерите им е потребен и мал одмор поради напорниот ритам, но моравме да бидеме поопасни пред голот на противникот“, изјави Ернест Ѓока.
Шкендија по 21 коло има шест бода предност во однос на Шкупи на врвот на табелата во македонскиот шампионат.
