Фудбалската репрезентација на Германија оствари триумф (2-1) над Романците во Хамбург, а еден од иницијаторите на пресвртот беше Серж Гнабри кој го постигна израмнувачкиот гол. Напаѓачот на Баерн Минхен вели дека „маншафт“ ќе дојде во Скопје за да победи и да ја заврши работата околу пласманот на Светското првенство.
Германија е првопласирана во групата и потребен и е уште еден триумф за да го осигура пласманот на мундијалот во Катар.
„Победата над Романија е голем чекор напред кон СП во Катар. Сега одиме во Македонија да победиме и да ги разрешиме сите дилеми. Што побргу се пласираме на мундијалот, толку подобро“, изјави Серж Гнабри по триумфот над Романците во Хамбург.
Големиот фаворит Германија в понеделник ќе гостува на арената „Тодор Проески“ во Скопје. На првиот меч, Македонија сензационално славеше со 1-2 и тоа е единствениот пораз на „панцирите“.
