Македонскиот прволигаш Шкупи најверојатно ќе остане без двајца стандардни првотимци за пролетниот дел од сезоната. Од Чаир е најавено заминување на левиот бек Дарко Глишиќ, кој треба кариерата да ја продолжи на Кипар, и на голманот Кристијан Наумовски, кој исто така има понуди повторно да замине во странство.
Шкупи активно бара и нови засилувања за вториот дел од сезоната, со оглед дека се уште е во трка за шампионската титула. Засега официјално во тимот од Чаир пристигна Кристијан Трапановски од составот на Академија Пандев.
