Реал Мадрид продолжи да победува на патот кон одбрана на титулата во Шпанија. „Кралскиот клуб“ беше подобар од Хетафе на гости со 0-1, а во следното коло го очекува „Ел Класико“ и дуел со Барселона.
Но, претходно Реал Мадрид треба да го одигра натпреварот од четвртото коло од Лигата на шампионите против украинскиот Шахтјор.
Големи проблеми за тренерот Карло Анчелоти предизвика новата повреда на дефанзивецот Милитао.
„Се уште не знам кој ќе игра против Шахтјор. Милитао има контрактура на мускулот. Кој и да игра на Ел Класико ќе биде добар дефанзивец“, изјави Карло Анчелоти на прес-конференцијата.
Милитао оваа сезона има девет настапи во дресот на Реал Мадрид и постигна еден гол.
